Neft həftəyə yüksək qiymətlərlə başladı
Birjalarda həftənin ilk seansları başlayıb.
APA TV-nin məlumatına görə, xam neft yeni həftəyə bahalaşma ilə daxil olub. "Brent" markalı neft 69,68 dollardan satılır. Qərbi Texas markası isə 65 dollar həddini keçərək 65,17 dollardan təklif olunur.
Qiymətlərin yüksəlməsinə təsir göstərən əsas səbəb ABŞ-da fəal neft quyularının sayında noyabr ayından bu yana ən böyük azalmanın qeydə alınması və bu ölkədə neft istehsalının artması narahatlığının aradan qalxmasıdır. Fəal quyuların sayı 797-yə enib. Bu səbəb WTI neftinin "Brent"dən daha çox bahalaşmasını təmin edib.
OPEK-in neft ixracatı aprel ayında sutkalıq 230 min barel azalaraq 24,25 milyon barel səviyyəsinə enəcəyi gözlənilir.
