Mingəçevirdə yeniyetmə su kanalında boğulub. APA TV-nin yerli bürosunun xəbərinə görə, hadisə Yuxarı Qarabağ kanalının Mingəçevirin Energetiklər qəsəbəsi ərazisindən keçən hissəsində baş verib.

Mingəçevir şəhər sakini, 2004-cü il təvəllüdlü Qafarzadə Nicat Azər oğlu həmyaşıdları ilə birlikdə kanalda çimərkən batıb.

Yeniyetmənin kanaldan çıxarılması üçün Fövqəladə Hallar Nazirliyinin dalğıcları axtarışlara cəlb olunub. Nazirliyin Kiçik Həcmli Gəmilərə Nəzarət və Sularda Xilasetmə Dövlət Xidməti tərəfindən aparılan axtarış işləri başa çatıb.

14 yaşlı N.Qafarzadənin meyiti batdığı ehtimal edilən yerdən 800 metr aralıda tapılaraq sudan çıxarılıb və aidiyyəti üzrə təhvil verilib.