Yaponiyada yeni uçuş avadanlığı icad edilib.

 

APA TV-nin "Futurism" agentliyinə istinadən məlumatına görə, "Lunavity" adlandırılan yeni aparatlar texnologiya aləmində inqilaba səbəb olacaq.

 

Yeni uçuş aparatları Tokio universitetinin Texnologiya mühəndisliyi fakültəsinin tələbələri tərəfindən işlənib hazırlanıb. "Lunavity" uçuş aparatları 15-20 addımlıq məsafələri bir addıma qət etməyə imkan yaradır. Həmçinin "Lunavity" insanı kosmik fəzada olduğu kimi çəkisizlik şəraitində saxlaya bilir. Yeni avadanlığın havalandırma pərləri və enerji mənbəyi adlandırılan 2 hissədən ibarət olduğu bildirilir.

 

Qeyd edək ki, mütəxəssislər "Lunavity"lərin fiziki cəhətdən qüsurlu insanlar üçün daha çox faydalı olacağını qeyd edirlər.