Sumqayıtda bədbəxt hadisə baş verib. APA TV-nin məlumatına görə, bir qəsəbə sakini göldə batıb.

1982-ci il təvəllüdlü Qurbanov Tərlan Hüseynalı oğlu şəhərin H.Z.Tağıyev qəsəbəsində yaradılmış süni göldə balıq tutarkən güclü külək qayığı çevirib. Nəticədə iki uşaq atası olan T.Qurbanov suya düşərək boğulub.

Hadisə ilə bağlı Fövqəladə Hallar Nazirliyinin Böhran Vəziyyətlərində İdarəetmə Mərkəzinə də məlumat verilib. Nazirliyin Kiçik Həcmli Gəmilərə Nəzarət və Sularda Xilasetmə Dövlət Xidmətinin dalğıc-axtarış qrupu axtarışlara cəlb olunub.

Hazırda ərazidə axtarışlar davam etdirilir.