Avropa Şurası Parlament Assambleyasının (AŞPA) müşahidə missiyası prezident seçkilərini müşahidəyə start verib.

 

APA TV-nin məlumatına görə, rumıniyalı parlamentar Viorel Rişard Badeanın rəhbərlik etdiyi missiyanın üzvləri Bakıda və regionlarda səsvermə prosesini izləməyə başlayıblar.

 

AŞPA-nın Monitorinq Komitəsinin Azərbaycan üzrə həmməruzəçisi Stefan Şennak 20 saylı Nərimanov II Seçki Dairəsinin 5 saylı məntəqəsində səsvermə prosesini izləyib. O, APA TV-yə açıqlamasında səsvermə prosesinin çox yaxşı təşkil edildiyini və səsvermədə çoxlu sayda insanın iştirak etdiyini bildirib.

Qeyd edək ki, müşahidə missiyasının üzvləri Bakı, Bakıətrafı və bir çox regionlarda səsvermə prosesini izləyəcək.