Türkiyə və ABŞ prezidentləri arasında telefon danışığı olub. APA TV-nin məlumatına görə, Ağ Evdən belə bir açıqlama yayılıb.

 

Dövlət başçıları Suriyada baş verənləri və bu ölkə ətrafında yaşanan son hadisələri müzakirə edib. Hər iki prezident sıx təmasları davam etdirməyin vacibliyini vurğulayıb.

 

Qeyd edək ki, Ankara Suriya müzakirələrində Moskva və Tehranla daha yaxın tərəfdaş kimi görünsə də, Bəşər Əsədin hakimiyyətdə saxlanılmasını qətiyyən qəbul etmir. Dünən isə Türkiyənin xarici işlər naziri Mövlud Çavuşoğlu Rusiya və İrandan fərqli olaraq Şərqi Qutada Bəşər Əsəd qüvvələrinin kimyəvi silahdan istifadə etdiyini təsdiqləyib.