Böyük Britaniyanın sualtı gəmiləri Suriya sahillərinə doğru istiqamət alıb. APA TV-nin "Daily Telegraph"a istinadən məlumatına görə, baş nazir Tereza Mey ölkə donanmasına atəş məsafəsinə qədər yaxınlaşmaq göstərişi verib.  

Bundan əlavə, baş nazir güc nazirliklərinin rəhbərlərini Suriyaya qarşı hərbi müdaxilə ilə əlaqədar müzakirəyə dəvət edib. Müdaxiləyə ABŞ-la eyni anda başlanacağı konkretləşdirilsə də, son anda Fransa ilə bir daha təmas qurulacağı bildirilir.

Xatırladaq ki, ABŞ donanmasına aid 10 hücum gəmisi artıq Suriya sahillərinə yan alıb. Onlara Almaniyanın bir döyüş gəmisi də qoşulub.