Aprelin 11-də keçirilən prezident seçkiləri ilə bağlı bülletenlər tam sayılandan sonra seçici fəallığı açıqlanıb.

 

APA TV-nin məlumatına görə, bu gün keçirilən mətbuat konfransında Mərkəzi Seçki Komissiyasının (MSK) sədri Məzahir Pənahov bildirib ki, prezident seçkilərində seçici fəallığı 74,30 faiz olub.

 

MSK sədri deyib ki, 3 milyon 962 min 123 seçici səs verib, 3 milyon 962 min 96 bülleten sayılıb.

 

Aprelin 11-də keçirilən prezident seçkilərində 125 seçki dairəsi üzrə 5 min 641 seçki məntəqəsinin hamısı hesabat verib.

 

MSK sədri səsvermə ilə bağlı sosial şəbəkələrdə yayılan görüntülərə də münasibət bildirib. Məzahir Pənahov həmin məlumatların yoxlandığını, heç birinin təsdiqini tapmadığını söyləyib.