Bakının Sabunçu rayonu ərazisində bıçaqlanma faktı qeydə alınıb. APA TV-nin verdiyi xəbərə görə, hadisə Gülçülük sovxozu küçəsində baş verib.

İnsident nəticəsində 1992-ci il təvəllüdlü Məmmədov Bəhruz İslam oğlu əlbəyaxa dava etdiyi bir tanışı tərəfindən bıçaqlanıb. Bıçaq zərbəsi onun ürək nahiyəsinə tuş gəlib. B.Məmmədov dərhal 3 saylı Şəhər Klinik Xəstəxanasına çatdırılıb və cərrahi əməliyyat olunub. Hazırda vəziyyəti ağır olaraq qalır.

Hadisənin baş verməsi səbəblərini Sabunçu polisi araşdırır. Məlumata görə, insidentdə bir nəfər saxlanılıb.