ABŞ-da sərnişin təyyarəsində baş vermiş yanğın ölümlə nəticələnib. APA TV-nin verdiyi xəbərə görə, "Southwest Airlines" aviaşirkətinə məxsus sərnişin təyyarəsinin sol mühərrikində qəfildən partlayış baş verib.

Bundan sonra təyyarə təcili eniş etməli olub. Hadisə zamanı bir qadın sərnişin dünyasını dəyişib. Bildirilir ki, partlayış zamanı mühərrikdən qopan metal parçası həmin sərnişinin oturacağına yaxın şüşəni deşərək salona daxil olub.

Təyyarənin göyərtəsində həmin vaxt 143 sərnişin və 5 heyət üzvü olub. Nyu-Yorkdan Dallasa uçan təyyarə Filadelfiyada eniş edib. Hazırda ekspertlər qrupu mühərrikdə yaranmış nasazlığın səbəbini araşdırır.