Birjalarda sutka ərzində xam neftin qiymətləri bahalaşıb.

 

APA TV-nin məlumatına görə, "Brent" markalı neft 72,07 dollardan, Qərbi Texas nefti isə 67,02 dollardan satılır.

Qiymətlərin yüksəlməsinin əsas səbəbi ABŞ-da ehtiyatların azalmasıdır. Amerika Neft İnstitutunun hesabatına görə, ölkədə ötən həftə xam neft ehtiyatları 1,05 milyon barel azalıb. Qiymətləri 70 dolların üzərində saxlayan digər səbəblər Suriyadakı böhranın davam etməsi, Səudiyyə Ərəbistanı və BƏƏ-nin Yəmənə hərbi müdaxiləsi, İrana qarşı tətbiq olunan sanksiyaların gücləndirilməsidir.

"Qara qızıl"la zəngin Yaxın Şərqin müharibələr ocağına çevrilməsi neftin baha satılmasının təmin edir.

 

OPEC-in istehsalı nəzarətlə həyata keçirməsi də bazara müsbət təsir edir.