Kubada 60 illik "Kastro dövrü" başa çatıb.

 

APA TV-nin Türkiyə mətbuatına istinadən məlumatına görə, ölkə prezidenti vəzifəsinə prezident köməkçisi Miqel Dias-Kanel seçilib.

Raul Kastronun yerinə gələcək siyasətçi səslərin 94,43 faizini qazanıb. Miqel Dias-Kanel 1959-ci il inqilabından sonra Kastro ailəsindən olmayan ilk dövlət başçısı olacaq.

 

Kubanı 1959-cu il inqilabından 2008-ci ilə qədər Fidel Kastro, 2008-2018-ci illərdə Raul Kastro idarə edib.

 

Kommunist Partiyasının idarə etdiyi Kubada 605 nəfərlik parlament 31 üzvü olan Dövlət Şurasını seçib. 57 yaşlı Miqel Dias-Kanel şuranın toplantısında prezident seçilib.

 

O, 2003-cü ildən Siyasi Büronun üzvüdür. 2009-2012-ci illərdə təhsil naziri, 2013-cü ildən isə prezident köməkçisi olub.