ABŞ-ın Tennessi ştatının Neşvill şəhərində naməlum şəxs silahlı insident törədib. O, "Waffle House" kafesi yaxınlığında insanları atəşə tutub.

APA TV-nin "RİA Novosti" agentliyinə istinadən verdiyi məlumata görə, hadisə nəticəsində 4 nəfər ölüb, 3 nəfər də yaralanıb. Neşvill şəhər polisinin "Twitter" səhifəsində qeyd olunan məlumata görə, atəş açan şəxs 29 yaşında çılpaq kişi olub. Şahid ifadələri əsasında bildirilir ki, Trevis Reynkinq adlı həmin şəxs öz avtomobili ilə kafenin qarşısına gəlib. Əvvəlcə kafenin qarşısındakı, sonra isə içəridəki insanlara atəş açıb.

Silahlı şəxs sonradan qaçaraq gizlənib. Hazırda polis onu axtarır.