Birjaların ilk iş günü xam neft qiymətləri bahalaşmadan sonra yenidən dəyər itirib.

 

APA TV-nin məlumatına görə, "Brent" markalı neftin bir bareli 74 dolları keçdikdən sonra ucuzlaşmağa başlayıb. Hazırda bu markadan olan neft 73,83 dollardan satılır və ucuzlaşmaqda davam edir.

 

Qərbi Texas nefti də kiçik bahalaşmadan sonra ucuzlaşıb. Bir neçə saat ərzində WTI markası 68,41 dollardan 68,19 dollara ucuzlaşıb.

 

ABŞ prezidenti Donald Tramp ötən həftə OPEC-in qiymətləri süni şəkildə artırdığını bəyan etmişdi. Bu açıqlama həftə ərzində qiymətləri təsir altında saxlaya bilər. Həftə içi ABŞ-da ehtiyatlar və istehsal barədə açıqlanacaq hesabat da birjalara təsir edəcək.