1918-ci il 28 may tarixində M.Ə.Rəsulzadənin başçılığı ilə Azərbaycan Xalq Cümhuriyyəti quruldu. 1920-ci il tarixin məhz bu günü, yəni 28 aprel tarixində isə Azərbaycan Xalq Cümhuriyyəti rus-bolşevik qüvvələri tərəfindən işğal edildi. 

 

İşğal nə az, nə çox - düz 71 il çəkdi. Və bu azmış kimi, bu müddətdə işğal gününü bizə bayram günü kimi qeyd etdirdilər. Metro stansiyası, küçələr, meydanlar, prospektlər o mənhus günün şərəfinə adlandırıldı. Lakin gec də olsa, İlahi Ədalət öz yerini tapdı, bizə zorla sırınan qırmızı bezi nəhayət ki, üçrəngli bayrağımızla əvəzləyə bildi. Bu isə yüz minlərlə azərbaycanlının qanı bahasına başa gəldi...

 

Bəs görəsən, paytaxt sakinləri 98 il əvvəl Azərbaycanda hansı hadisənin baş verdiyindən xəbərdardırlarmı?