İrəvanda banka silahlı hücum olub.  APA TV-nin erməni mətbuatına istinadən məlumatına görə, HSBC bankının filialına hücum nəticəsində bir nəfər ölüb, bir nəfər yaralanıb.

Cinayətkar iki gözətçini güllələyib. Daha sonra zorla xeyli pulu ələ keçirib. Hadisə yerinə gələn polislər onu zərərsizləşdirmək üçün odlu silahdan istifadə edib, lakin həmin şəxs cavab atəşi açıb. Bu zaman asayiş keşikçilərindən biri yaralanıb.

Hadisə yerinə əlavə qüvvələrin cəlb olunması ilə silahlı şəxs ələ keçirilib.

Tüfəngdən başqa ondan qumbara və bıçaq götürülüb.

Polisdən bildiriblər ki, hadisəni törədən şəxs Dövlət Yol Polisinin video müşahidə mərkəzinin direktoru, polis polkovniki Daniel Danielyandır.