Şamaxıda minik və yük avtomobilləri toqquşdu: 5 yaralı
Bakı-Şamaxı yolunda 5 nəfərin xəsarət alması ilə nəticələnən yol qəzası baş verib.
APA TV-nin yerli bürosunun xəbərinə görə, bu gün Şamaxının Pirsaat kəndi ərazisində "VAZ-21015" markalı minik avtomobili qarşı tərəfdən gələn "Shacman" markalı yük avtomobili ilə toqquşub.
Qəza nəticəsində 1989-cu il təvəllüdlü Seymur Niftəliyev, 1984-cü il təvəllüdlü Rahil Niftəliyev, 1940-cı il təvəllüdlü Nərminə Niftəliyeva, 1988-ci il təvəllüdlü Sahil Məmmədov və 1966-cı il təvəllüdlü Yavər Babalı müxtəlif dərəcəli bədən xəsarətləri ilə Şamaxı Rayon Mərkəzi Xəstəxanasına çatdırılıb. Onlardan iki nəfərin vəziyyəti ağırdır.
Faktla bağlı araşdırma aparılır.
