Qaxda avtomobil qaçıran şəxslər həbs edilib. APA TV-nin məlumatına görə, Qax rayonunun Əlibəyli kənd sakini, 42 yaşlı Alik Xəlilov Qax Rayon Polis Şöbəsinə müraciət edərək özünə məxsus “VAZ 2107” markalı minik avtomobilinin oğurlanması barədə məlumat verib.

Qax RPŞ-nin əməkdaşlarının apardıqları əməliyyat-axtarış tədbirləri nəticəsində A.Xəlilova məxsus avtomobili rayonun Qaxbaş kənd sakinləri, 30 yaşlı İmeda Qamxaraşvili və əvvəllər məhkum olmuş 27 yaşlı Səbuhi Məmmədovun oğurlamaları məlum olub. Keçirilmiş tədbirlər nəticəsində hər iki şəxs tutulub, oğurladıqları avtomobil maddi sübut kimi götürülüb.

Faktla bağlı Qax RPŞ-də istintaq tədbirləri davam etdirilir.