"Forbes" jurnalı dünyanın ən güclü insanlarının siyahısını açıqlayıb.

 

APA TV-nin məlumatına görə, dünyanın tanınmış iqtisadiyyat jurnalının siyahısında birinci yerin sahibi dörd ildən sonra dəyişib.

 

Artıq dünyanın ən güclü insanı Rusiya prezidenti Vladimir Putin yox, Çin lideri Si Tszinpindir. İkinci yerdə Putin qərarlaşıb. ABŞ prezidenti Donald Tramp üçüncü sırada özünə yer edib. Trampın arxasınca Almaniya kansleri Angela Merkel gəlir. Beşinci güclü dünyanın ən zəngin adamı, texnologiya nəhəngi "Amazon"un rəhbəri Cef Bezosdur.

 

Roma Papası Fransisk altıncı yerin sahibi olub. Papadan sonra müvafiq olaraq milyarder Bil Geyts, Səudiyyə Ərəbistanı vəliəhdi Məhəmməd bin Salman, Hindistanın baş naziri Narendra Modi gəlir. Onluğu "Google"un qurucusu Larry Page tamamlayır.

 

Şimali Koreya rəhbəri Kim Çen In 36-cıdır. Türkiyə prezidenti Rəcəb Tayyib Ərdoğan 48-ci sırada yer alır.