Göyçay rayonunda 3 nəfərin ağır xəsarət alması ilə nəticələnən yol nəqliyyat hadisəsi baş verib. APA TV-nin yerli bürosunun xəbərinə görə, avtoqəza rayonun Çaxırlı kəndi ərazisində qeydə alınıb.

"VAZ 2106" və "VAZ 2115" markalı minik avtomobillərinin toqquşması nəticəsində Göyçay rayon sakinləri - 1956-cı il təvəllüdlü Mustafayev Eyyub Ağasəf oğlu, 1983-cü il təvəllüdlü İbadova Aynurə Maarif qızı və 1989-cu il təvəllüdlü Məmmədova Nərminə Alim qızı müxtəlif dərəcəli bədən xəsarətləri aldıqları üçün Göyçay rayon Mərkəzi Xəstəxanasına yerləşdirilib.

Faktla bağlı Göyçay Rayon Polis Şöbəsi tərəfindən araşdırma aparılır.