Martın 4-də İngiltərənin Solsberi şəhərində atası ilə birgə naməlum maddədən sinir iflici keçirərək zəhərlənən Yuliya Skripal sui-qəsd cəhdindən sonra ilk dəfə müsahibə verib.

APA TV-nin məlumatına görə, bu barədə “Sky News” xəbər verib.

“Bəxtimiz çox gətirdi ki, bu sui-qəsd cəhdindən sağ çıxdıq. Bizim sağalmağımız çox çətin və ağır idi”, - deyə Y.Skripal qeyd edib.

Rusiya səfirliyinin yardımına ehtiyacı olmadığını deyən 33 yaşlı qadın uzun müddətli perspektivdə ölkəsinə dönməyə ümid etdiyini bildirib.

Qeyd edək ki, Sergey Skripal mayın 18-də, onun qızı isə aprel ayında xəstəxanadan buraxılıb.