Rusiya prezidenti Vladimir Putin rusiyalı və xarici jurnalistlər üçün geniş mətbuat konfransı keçirib. Putinin illik mətbuat konfransında 1300 jurnalist iştirak edib. Mətbuat konfransı Moskvanın Beynəlxalq Ticarət mərkəzində keçirilib.

APA TV-nin xəbərinə görə, Putin jurnalistlərin Snoudenlə bağlı sualları cavablandırarkən deyib ki, onlar heç vaxt Snoudenlə işləməyib. Rusiya sadəcə olaraq, ona sığınacaq verib.

Bu, Vladimir Putinin prezident olduğu dövrdə sayca 9-cu mətbuat konfransıdır. Konfrans 4 saat 30 dəqiqə davam edib. Bu müddət ərzində prezident jurnalistlərin bütün suallarını cavablandırıb.