“Fənərbaxça”da prezident seçkiləri keçirilib. APA TV-nin "CNN Turk"ə istinadən məlumatına görə, bu gün “Ülkər Stadionu”nda baş tutan səsvermədə iki namizəd başqanlıq üçün mübarizə aparıb.

Keşmiş prezident Aziz Yıldırımla Ali Koçun gərgin mübarizəsini ikinci qazanıb. Türkiyənin ən zəngin iş adamlarından olan Ali Koç 16092 səs toplayaraq “Fənərbaxça”nın 37-ci prezidenti seçilib. Sabiq prezident Aziz Yıldırım isə 4644 səs toplaya bilib.

Qeyd edək ki, Aziz Yıldırım 1998-ci ildən bəri 20 ildir ki, fasiləsiz olaraq “Fənərbaxça” prezidenti idi.