Bakı-Qazax magistral yolunda avtomobil körpüdən aşıb, bir nəfər xəsarət alıb. APA TV-nin qərb bürosunun xəbərinə görə, hadisə yolun Samux rayonunun Zazalı kəndi ərazisindən keçən hissəsində baş verib.

Gəncədən paytaxt istiqamətində hərəkətdə olan “Lexus” markalı avtomobil magistral yolun üzərindən keçən körpüdən aşıb. Qəza zamanı sürücü Goranboy rayonunun Muzdular kənd sakini, 1988-ci il təvəllüdlü Cəfərov Elşən Arzuman oğlu ağır xəsarət alaraq xəstəxanaya yerləşdirilib. Vəziyyəti ağır qiymətləndirilir.

Fakt üzrə araşdırma aparılır.