ABŞ-ın rəhbərlik etdiyi koalisiya, onların Suriyadakı müttəfiqləri - "Suriya Demokratik Qüvvələri" (SDQ) və İraq ordusu Suriya-İraq sərhədində  İŞİD-ə qarşı "Roundup" əməliyyatının ikinci mərhələsinə start verib. 

APA TV-nin Rusiya mətbuatına istinadən məlumatına görə, bu barədə koalisiyanın bəyanatında bildirilir. 

 

"SDQ-nın quru qüvvələrinin İŞİD-ə qarşı həyata keçirdiyi hücum koalisiyanın transmilli və koordinasiya edilmiş hava zərbələri habelə İraq ordusunun artilleriya zərbələri ilə dəstəklənir. İŞİD üzvlərinin Suriyadan İraq ərazisinə keçməsinin qarşısını almaq üçün İraq ordusunun sərhəddəki kontingenti gücləndirilib" - deyə məlumatda qeyd olunur.