Qvatemalada vulkan püskürməsi nəticəsində ölənlərin sayı 56 nəfərə çatıb. APA TV-nin məlumatına görə, bu barədə “Prensa Libre” xilasedicilərə istinadən xəbər verib.

Bundan əvvəl 38 nəfərin öldüyü, təxminən 300 nəfərin xəsarət aldığı bildirilirdi. Məlumata əsasən, təbii fəlakət nəticəsində 4 yaşayış məntəqəsinə ciddi ziyan dəyib.  Qvatemala hökuməti təxminən 2 milyon insanın hadisədən zərər gördüyünü açıqlayıb. Vulkanın püskürməsi nəticəsində yaxınlıqdakı kəndlər dağılıb. La Aurora Hava limanı havadakı kül səbəbindən bağladılıb.

Qeyd edəki, Fueqo vulkanı iyunun 3-dən püskürməyə başlayıb.