Zaqatalada 5,5 bal gücündə zəlzələ oldu - BİR NEÇƏ RAYONDA HİSS OLUNUB
Azərbaycanda güclü zəlzələ baş verib. APA TV-nin AMEA nəzdində Respublika Seysmoloji Xidmət Mərkəzinə istinadən verdiyi xəbərə görə, yeraltı təkanlar yerli vaxtla saat 22:40-da Zaqatala ərazisində qeydə alınıb.
5,5 maqnitudalı zəlzələnin ocağının 2 km dərinlikdə yerləşdiyi bildirilir. Güclü təkanlar daha çox Şəki, Qax, Balakən, Zaqatala rayonlarında və qismən Göyçay, Şamaxı və digər ətraf rayonlarda da hiss olunub.
Dağıntı və tələfat barədə hələlik məlumat verilmir.
