Ağdamda Bayraq meydanında yanğın baş verib. APA TV-nin Qarabağ bürosunun xəbərinə görə, yanğın rayonun İmamqulubəyli kəndində qeydə alınıb.

Soltanbut təpəciyinin üzərində yerləşən Bayraq meydanının işıqlanma sistemində yaranmış qısaqapanma sonradan yanğına çevrilib. Alova ilkin olaraq ərazidə xidmət aparan Ağdam RPŞ-nin əməkdaşları müdaxilə edib və genişlənməsinin qarşısı alınıb. Daha sonra hadisə yerinə FHN-in Ağdam Rayon Dövlət Yanğından Mühafizə Hissəsinin yanğınsöndürənləri cəlb olunub.

Alov qısa müddətdə söndürülüb və onun digər obyektlərə keçməsinə imkan verilməyib.