Qaxda narkotiklərin qanunsuz dövriyyəsi, satışı və kultivasiyası ilə məşğul olan şəxs saxlanılıb.

 

DİN mətbuat xidmətindən APA TV-yə verilən məlumata görə, Qax Rayon Polis Şöbəsinin əməkdaşlarının daxil olmuş məlumat əsasında keçirdiyi əməliyyat tədbiri nəticəsində rayon sakini  Ümidvar Yusifov saxlanılıb.

 

Ü.Yusifov yaşadığı Tasmalı kəndində özünəməxsus bağ sahəsində əkdiyi çətənə kollarına qulluq edərkən elə iş başında yaxalanıb. Polis əməkdaşları həmin əraziyə baxış keçirdikləri zaman oradan 310 ədəd çətənə bitkisi aşkarlanaraq götürülüb. Saxlanılan şəxs ilkin ifadəsində narkotik vasitəni satmaq məqsədilə əkdiyini bildirib.

 

Faktla bağlı cinayət işi başlanılıb.