Cəlilabadda baş vermiş silahlı insidentin daha iki iştirakçısı saxlanılıb. APA TV-nin Cənub bürosunun məlumatına görə, Cəlilabad Rayon Polis Şöbəsinin əməkdaşları tərəfindən keçirilmiş əməliyyat axtarış tədbirləri zamanı rayon sakinləri Şahin Həsənov və onun qardaşı Səxavət Həsənov tutulub.

 

Bundan əvvəl isə silahlı insidentin iştirakçısı olan rayon sakini İlqar Həsənov saxlanılıb. Saxlanılarkən ondan AKS tipli avtomat silah, 1 ədəd avtomat darağı və 8 ədəd patron götürülüb. Hazırda faktla bağlı araşdırma davam etdirilir.

 

Xatırladaq ki, iyunun 7-də Cəlilabad rayon sakinləri olan şəxslər odlu silahdan bir-birilərinə atəş açıblar. Silahlı insident zamanı xəsarət alan olmasa da, "Lexus" markalı avtomobilə və yaşayış evinə ziyan dəyib.