Birjaların ilk seanslarında xam neft dəyər itirib.

 

APA TV-nin məlumatına görə, ötən həftə ABŞ-da fəal quyuların sayı artıb,
bu isə rekord yeniləyən neft istehsalının daha da artması deməkdir.

Rusiya, istehsalı artırmaq üçün dəstəyini almaq istədiyi OPEC və tərəfdaşları, eləcə də Səudiyyə Ərəbistanı ilə birlikdə hasilatı razılaşmanın üzərinə çıxarmaq istəyir.

Qiymətləri ötən həftə ucuzlaşdıran əsas səbəblərdən biri, İran və Venesueladan qaynaqlanan kəsiri aradan qaldırmaq barədə xəbərlərin neft bazarının diqqətini çəkməsi oldu. Digər tərəfdən OPEC ölkələri arasında istehsalı artırmaqla bağlı fikir ayrılıqları var.

ABŞ-da neft istehsalının artması da qiymətlərə mənfi təsir edir. Xüsusi ilə Qərbi Texas neftinin qiymətləri daha çox ucuzlaşa bilər. Son aylar iki marka arasında qiymət fərqi 10 dolların üzərinə çıxıb. Hazırda birjalarda "Brent" markası 76,14 dollara, WTI nefti isə 65,53 dollara satılır.