Şamaxı-Muğanlı-İsmayıllı avtomobil yolunda bir nəfərin ölümü, bir nəfərin xəsarət alması ilə nəticələnən yol nəqliyyat hadisəsi baş verib.

 

APA TV-nin yerli bürosunun xəbərinə görə, bu gün saat 16:30 radələrində “Mercedes” markalı yük avtomobili Ağsu çayı üzərindəki körpüdən bir qədər aralı yoldan çıxaraq dərəyə yuvarlanıb.

 

Hadisə zamanı avtomobilin sürücüsü, Ağstafa rayon sakini, 1975-ci il təvəllüdlü İmamverdiyev Rahib Əhmədalı oğlu və sərnişini, 1981-ci il təvəllüdlü Vahidov Niyaməddin Şöhlü oğlu ağır bədən xəsarətləri aldığı üçün təcili tibbi yardım stansiyasının avtomobili ilə Şamaxı rayon Mərkəzi Xəstəxanasına çatdırılıb. Həkimlərin səyinə baxmayaraq, R.İmamverdiyev xəstəxanada dünyasını dəyişib.

 

Faktla bağlı araşdırma aparılır.