Mövlana Cəlaləddin Ruminin vəfatının 740-cı ildönümü və Seyid Yəhya Şirvaninin (Bakuvinin) 550 illik yubileyi münasibətilə Şəkidə beynəlxalq konfrans keçirilib. APA TV-nin  məlumatına görə,  “Miras” Mədəni İrsin Öyrənilməsinə Kömək İctimai Birliyi, Gəncliyə Yardım Fondu və Yunus Əmrə Türk Mədəniyyət Mərkəzi tərəfindən təşkil olunmuş tədbirdə Azərbaycan və Türkiyənin tanınmış alimləri, müəllim və tələbələri iştirak ediblər. Konfransda çıxış edənlər Azərbaycan ilə Türkiyənin tarixi birliyindən danışıblar.

 

Konfransda o da qeyd edilib ki, Heydər Əliyev Fondunun prezidenti Mehriban  Əliyevanın təşəbbüsü ilə UNESCO tərəfindən 2013-cü il “Seyid Yəhya Bakuvi ” ili elan edilib və bununla da dünya müstəvisində Seyid Yəhya Şirvani xəzinəsinə dərindən baxış üçün geniş imkanlar yaradılıb. Sonda tədbirdə iştırak edəm alimlər mühazirə söyləyiblər.