Ağsu rayonunda külli miqdarda narkotik xassəli çətənə kolu aşkarlanaraq məhv edilib.

 

APA TV-nin yerli bürosunun xəbərinə görə, Ağsu Rayon Polis Şöbəsinin əməkdaşları iyunun 25-də “Xaş-xaş-2018” tədbirlər planına uyğun olaraq əməliyyat keçiriblər.

 

Rayonun Göydəlləkli kəndində meşə massivindən yabanı halda bitən külli miqdarda narkotik xassəli çətənə kolları aşkar edilib. Ümumilikdə hündürlüyü 1.5 metr, ümumi çəkisi 1 ton 50 kiloqram olan 2134 ədəd çətənə kolu kökündən çıxarılıb yandırılaraq məhv edilib. Bu istiqamətdə tədbirlər davam etdirilir.