Bakı metrosunda ölüm hadisəsi baş verib.

 

APA TV-nin məlumatına görə, metronun "20 Yanvar" stansiyasının II vestibülündə 1968-ci il təvəllüdlü, Ağsu rayon sakini Qasımov Nazim Bulud oğlunun halı qəfildən pisləşib.

 

Metropolitenin əməkdaşları tərəfindən xəstəyə ilkin yardım göstərilib. Hadisə yerinə təcili tibbi yardım çağırılıb. Nazim Qasımovun ürək-damar sistemində problemləri olub. Hadisə yerinə təcili tibbi yardım maşını çatana qədər sərnişin keçinib.

"Bakı Metropoliteni" Qapalı Səhmdar Cəmiyyətindən (QSC) xəbəri təsdiqləyiblər.