Bu gün səhər Mingəçevirdəki "Azərbaycan" İstilik Elektrik Stansiyasında (İES) yenidən yanğın baş verib.

 

Fövqəladə Hallar Nazirliyinin mətbuat xidmətindən APA TV-yə verilən məlumata görə, bu gün saat 08:25-də nazirliyin Böhran Vəziyyətlərində İdarəetmə Mərkəzinə Mingəçevir şəhərində “Azərbaycan” İES-in ərazisində yanğın olması barədə məlumat daxil olub.

Dövlət Yanğından Mühafizə Xidmətinin yanğınsöndürənləri saat 08:28-də hadisə yerinə çatıb.

Yanğın zamanı cərəyan transformatorlarından birinin açarı, sarğıları və ətrafa dağılmış 400 m² sahədə transformator yağı yanıb. Digər transformatorlar yanğından mühafizə olunub.

 

Yanğın saat 08:46-da yanğınsöndürənlər tərəfindən söndürülüb.