Oğuzda usta elektrik cərəyanı vurması nəticəsində ölüb.

 

APA TV-nin  məlumata görə, hadisə bu gün saat 10:00 radələrində rayonun məcburi köçkünlər üçün salınmış “Azərbaycan 60” qəsəbəsində qeydə alınıb.

 

Qəsəbə sakini Hidayət Əliyevin həyətində usta işləyən rayonun Top kənd sakini, 1958-ci il təvəllüdlü Nazim Məcnun oğlu Qurbanəliyevi elektrik avadanlığı ilə ehtiyatsız davranması səbəbindən elektrik cərəyanı vurub. Güclü elektrotravma alan 60 yaşlı Nazim Qurbanəliyev hadisə yerində ölüb.

Nazim Qurbanəliyevin meyiti Məhkəmə-Tibbi Ekspertiza və Patoloji Anatomiya Birliyinin Oğuz rayon şöbəsində müayinə edildikdən sonra dəfn edilmək üçün mərhumun ailəsinə verilib.

 

Faktla bağlı Oğuz rayon prokurorluğunda araşdırma aparılır.