Mədəniyyət və Turizm nazirliyi tərəfindən 2013-cü ilin “Əfsanələr paytaxtı”  elan edilən Xaçmaza jurnalistlərin infoturu təşkil edilib. APA TV-nin xəbərinə görə, media nümayəndələri öncə Şəxsiyyətlər muzeyi ilə tanış olub. Onlar üçün Xaçmaz tarix-diyarşunaslıq muzeyinin qarşısında konsert proqramı təşkil edilib.

Qonaqlar rayondakı 10-dan çox incəsənət xadiminin əl işlərindən ibarət  nümunələrə baxış keçirib. Bu il rayonda Dağıstanın “Ləzginka” rəqs qrupunun konserti, Belarus mədəniyyət günləri təşkil edilib. Gələn il isə Xaçmazda “Bolluq festivalı”nın keçirilməsi nəzərdə tutulub.

İnfoturun sonunda media nümayəndələrinin iştirakı ilə elmi-praktiki konfrans keçirilib.