Ağsu rayonunda meşə yanğını başlayıb.

 

APA TV-nin yerli bürosunun xəbərinə görə, ilkin məlumatda rayonun Qırılar kənd sakinlərinin dağlıq ərazidəki quru ot və kol-kosu yandırdıqları bildirilir.  Nəzarətsiz qalan alov getdikcə daha böyük ərazini əhatə edib.

 

Hadisə yerinə FHN-in Ağsu, Şamaxı və İsmayıllı Dövlət Yanğından Mühafizə hissələrinin 4 yanğınsöndürən avtomobili və canlı qüvvəsi cəlb olunub.

 

Quru ot, kol-kos və xırda ağaclar yanıb. Dağlıq əraziyə yanğınsöndürən avtomobillər çıxa bilmədiyi üçün şəxsi heyət alovun qarşısını əl əməyi ilə almağa çalışır.