Bakının Qaradağ rayonu, Lökbatan qəsəbəsində bıçaqlanma faktı qeydə alınıb. APA TV-nin məlumatına görə, hadisə zamanı 1972-ci il təvəllüdlü Zərbəliyev Elnur Mahmudoviç bıçaqlanıb.

 

Yaralı təcili 1 saylı Xəstəxanaya çatdırılıb və cərrahi əməliyyat olunub. Hazırda vəziyyətinin orta-ağır olduğu bildirilir.

 

E.Zərbəliyevin özünün bildirdiyinə görə, ona bıçaq xəsarəti yetirən şəxsi əvvəllər tanımayıb və taksi fəaliyyəti ilə məşğul olan "VAZ-2106" markalı avtomobilin sürücüsü olub. Onların nalayiq ifadələrə görə mübahisə etdiyi deyilir. 

 

Qanlı hadisənin təfərrüatlarını Qaradağ polisi araşdırır. Həmin taksi sürücüsü polis tərəfindən saxlanılıb.