Türkiyə Nazirlər Kabinetinin yeni tərkibi açıqlanıb. APA TV-nin xəbərinə görə, Yeni kabineti Türkiyənin baş nazir Rəcəb Tayyip Ərdoğan açıqlayıb. Ərdoğan deyib ki, yeni hökumətin tərkibində 10 vəzifədə dəyişiklik olub:

Baş nazirin müavini - Əmrullah İşlər

Ədliyyə naziri - Bəkir Bozdağ

Ailə və sosial siyasət naziri - Ayşənur İslam

Avropa Birliyi naziri - Mövlud Çavuşoğlu

İqtisadiyyat naziri - Nihad Zeybəkçi

Ətraf və şəhərsalma naziri - İdris Güllücə

Daxili işlər naziri- Əfqan Ala

Nəqliyyat naziri- Lütvi Əlvan

Elm, sənaye və texnologiya naziri- Fikri İşıq

Gənclər və idman naziri - Akif Çağatay Kılıç

 

Yeni kabinetdə istefa verən daxili işlər, ətraf və şəhərsalma naziri və maliyyə naziri ilə yanaşı adı korrupsiya qalmaqalında hallandırılmış Egemen Bağış təmsil olunmayıb.

 

Baş nazir kabinetin tərkibini açıqlamadan öncə prezident Abdulla Güllə  iki saata yaxın görüşüb.

 

Eyni zamanda Türkiyədə nazirlərin istefasından sonra müxtəlif şəhərlərdə etiraz aksiyaları başlayıb. Aksiyalar Ankara, İstanbul, İzmir, Kocaeli və Mərsində keçirilir.

 

Etirazçılar Ərdoğan hökumətinin bütünlüklə istefaya getməsini tələb edir.