Ədliyyə naziri Fikrət Məmmədov İmişli rayonunda vətəndaşların qəbulunu keçirib. APA-TV -nin Mil-Muğan bürosunun verdiyi məlumata görə, İmişli regional ədliyyə şöbəsinin yeni binasında keçirilən qəbulda Beyləqan, Biləsuvar, İmişli, Saatlı, Füzuli rayonlarında yaşayan vətəndaşların, habelə Xocavənd və Cəbrayıl rayonlarından olan məcburi köçkünlərin ədliyyə fəaliyyəti ilə bağlı müraciətlərinə baxılıb. Qəbul zamanı vətəndaşların ədliyyə orqanlarının, o cümlədən notariat, vətəndaş qeydiyyatı, habelə məhkəmə qərarlarının icrası və işə qəbulla bağlı müraciətləri  dinlənilib. Qaldırılan məsələlərin bir qismi yerindəcə həll edilib. Digər müraciətlərin baxılması üçün qeydlər aparılıb. Nazir ədliyyə orqanlarına aid olmayan digər məsələlərin  araşdırılması  üçün aidiyyatı qurumlara göndərilməsinə göstəriş verib.