Məşhur pilotun vəziyyəti ağırdır
Bir müddət öncə xəstəxanaya yerləşdirilən dünya şöhrətli avtopilot Mixael Şumaxerin vəziyyəti stabil olaraq qalır. APA TV-nin xəbərinə görə, alman pilotun meneceri bildirib ki, Şumaxer həkimlərin nəzarəti altındadır.
Qeyd edək ki, 7 qat "Formula-1" çempionu başından ciddi zədə alıb. O, dağ xizəyi ilə məşğul olarkən yaralanıb.
Şumaxer "Formula-1"də çıxışını 2012-ci ildə başa vurub. O, avtoidman tarixinin ən uğurlu pilotlarındandır.
