İranda güclü zəlzələ olub. APA TV xəbər verir ki, ilkin məlumatlara görə, zəlzələ nəticəsində 1 nəfər ölüb, 12 nəfər xəsarət alıb. Rixter cədvəli ilə 5,5 bal gücündə olan zəlzələ İranın cənub hissəsində baş verib, təkrar təkanlar 4,3 bal gücündə olub. İlk təkanlar yerli vaxtla saat 06.43-də, ikinci təkan isə 11 dəqiqə sonra baş verib. Zəlzələnin episentri Fars vilayətindəki Lar şəhərindən 50 km cənubda, zəlzələ ocağı isə təxminən 10 kilometr dərinlikdədir. Hadisə nəticəsində bir çox ev, yaşayış binaları, obyektlər dağılıb.