Rusiyanın Antarktidada buzda qalmış "Akademik Şakalskiy" gəmisinin sərnişinlərinin hamısı evakuasiya edilib. APA TV-nin xəbərinə görə, əməliyyatı Çinin "Syuein" helikopteri və gəmidən 22 km uzaqlıqda olan "Syuelun" buzqıran gəmisi həyata keçirib. Gəminin kapitanının sözlərinə görə, bütün köçürmə prosesi 5-6 saat çəkib. Ümumilikdə helikopter gəmiyə 7 dəfə uçub. 5 dəfə sərnişinləri, 2 dəfə isə yük və ləvazimatları daşıyıb. Hər bir uçuşun təxmini müddəti 45 dəqiqədir. Gəminin göyərtəsində 22 Rusiya vətəndaşı olan heyət və tədqiqatçı və onları müşayiət edənlərdən ibarət 52 xarici sərnişin olub. Daha öncədən də yalnız sərnişinlərin evakuasiya edilməsi qərarı verilib.