Suriyada son vaxtlar müxalifət qüvvələri və “Əl Qaidə” ilə bağlılığı olan qruplaşmalar arasında qarşıdurma güclənib. Kütləvi informasiya vasitələrində müxalifətin nəzarətində olan bölgələrdəki irimiqyaslı döyüşlər barədə məlumatlar yayılır. Suriya insan hüquqları monitorinq mərkəzinin hesablamalarına görə, son dörd gün ərzində belə döyüşlərdə azı 274 nəfər ölüb.

 

Qeyd edək ki, 2011-ci ilin martından Suriyada müxalifət qüvvələri və hökumət qoşunları arasında münaqişə səngimir. BMT-nin məlumatına görə, ötən müddət ərzində 100 mindən çox adam qarşıdurmaların qurbanı olub.