Şirvanda fərdi yaşayış evi yanıb, nəticədə bir ailənin 5 üzvü evsiz qalıb.

 

Bu barədə APA TV-nin Mil-Muğan bürosuna Fövqəladə Hallar Nazirliyinin   Şirvan Yanğından Mühafizə xidməti məlumat verib. Şirvan şəhərində 34 yaşlı Seymur Yusifova məxsus 55 kvadrat metrlik fərdi yaşayış evi yanıb. Yanğın hadisəsi elektrik enerjisində baş verən qısa qapanmadan yaranıb. Hadisə yerinə Şirvan Şəhər Yanğından Mühafizə Xidmətinin 2 ədəd yanğınsöndürən avtomobili cəlb edilib. Yanğın söndürülüb. Küləkli hava şəraiti də yanğının güclənməsinə şərait yaradıb. Yanğın zamanı ev əşyaları tamamilə yanaraq sıradan çıxıb.

 

Faktla bağlı araşdırma aparılır.