Abşeron polisi qoyun oğurlayan şəxsləri saxlayıb. Polis keçirdiyi əməliyyat nəticəsində Novxanıda açıq sahədən 16 qoyunu oğurlayan 28 yaşlı Sahil Hacıyev və  18 yaşlı Malik Hacıyevi şübhəli şəxs qismində saxlayıb. Hər iki şəxs polisə verdikləri ifadədə oğurluq faktını etiraf edib.

 

APA TV-nin xəbərinə görə, onlar bildiriblər ki, açıq sahədə otlayan 16-a yaxın qoyunu qabaqlarına qataraq bağ evinə gətiriblər. Daha sonra bazara çıxardıqları qoyunların hamısını 600 manata satıblar.

 

Əvvəllər də həyətlərdən at və eşşək oğurladıqlarını etiraf edən şəxslər atları satdıqlarını, eşşəyi isə kəsərək itə verdiklərini söyləyiblər.