Rusiya Milli Antiterror Komitəsi Pyatiqorskda baş verən terror aktının törədilməsində şübhəli bilinən şəxslərin adlarını açıqlayıb.

APA TV-nin məlumatına görə, ilkin dindirilmə zamanı onlar hadisəni törətdiklərini etiraf ediblər. Bunlar 25 yaşlı Murad Atayev, 22 yaşlı Ruslan Xalizov, 60 yaşlı Vladimir Xalizov, 22 yaşlı Şamil Əbdüləzizov, 25 yaşlı, Şamil Qazıməmmədov və 22 yaşlı Maqomed İbrahimovdur. Onlardan Murad Atayevin Azərbaycan vətəndaşı olduğu iddia edilir.

Hadisə dekabrın 27-də baş verib. Əldə düzəldilmiş parlayıcı qurğunun avtomobildə partlaması nəticəsində 3 Rusiya vətəndaşı həyatını itirib. Şübhəli şəxslərə qarşı Rusiya Cinayət Məcəlləsinin 3 maddəsi ilə cinayət işi başlanılıb.