Bern şəhərində ATƏT-in Minsk Qrupunun həmsədrləri İqor Popov (Rusiya), Jak For (Fransa), Ceyms Uorlik (ABŞ) və ATƏT sədrinin şəxsi nümayəndəsi Anjey Kasprşik ATƏT-in fəaliyyətdə olan sədri İşveçrənin xarici işlər naziri Didye Burkhalter arasında görüş keçirilib. ATƏT-in rəsmi saytının yaydığı məlumata görə, görüşdə İsveçrənin 2014-cü ilə dair əməkdaşlıq məsələləri müzakirə olunub.

 

APA  TV-nin xəbərinə görə, Didye Burkhalter həmsədrlərin vasitəçilik rolunu yüksək qiymətləndirib.

 

Vasitəçilər və ATƏT sədrinin şəxsi nümayəndəsi Anjey Kasprşik eyni zamanda İsveçrə xarici işlər departamentinin dövlət katibi İv Rosye ilə görüş keçiriblər. Onlar ölkənin 2014-cü ildə ATƏT-ə sədrliyi dövründə qarşılıqlı əməkdaşlıq məsələlərini müzakirə ediblər.